Sun’iy intellekt «qotil kosatka» murabbiyni o‘ldirgani haqida feyk video yasadi

Jyessika Redkliff ismli murabbiyning tomoshabinlar ko‘z o‘ngida kosatka tomonidan o‘ldirilishi aks etgan video ijtimoiy tarmoqlarda shov-shuvga sabab bo‘ldi.

Rolik tezda TikTok va boshqa ijtimoiy tarmoqlarda tarqaldi, biroq bir necha kundan so‘ng bu g‘irt feyk ekani ma’lum bo‘ldi.

Aslida hech bir rasmiy manbada bunday ismli qiz haqida ma’lumot yo‘q, yangiliklar arxivida ham fojia haqida xabar topilmaydi. Mutaxassislarning aniqlashicha, «shov-shuv» sun’iy intellekt tomonidan yaratilgan: rolikda sun’iy intellekt ovozlari va eski kadrlar ishlatilgan bo‘lib, ular haqiqiy voqeaga o‘xshatib montaj qilingan.

Videoda hodisa Pacific Blue Marine Park akvariumida sodir bo‘lgani aytilgan. Bundan tashqari, «dramatik» tafsilot ham qo‘shilgan - go‘yo kosatkani hayz qoni hidi o‘ziga jalb qilgan. Mutaxassislarning so‘zlariga ko‘ra, bunday tafsilotlar ko‘pincha tomoshabinlarning hissiy reaksiyasini kuchaytirish uchun soxta hikoyalarga qo‘shiladi.

Feyk lavha ijodkorlari ikkita haqiqiy fojiadan ilhomlangan bo‘lishi mumkin. 2009 yilda murabbiy Aleksis Martines Kanar orollaridagi Loro bog‘ida kosatka hujumidan keyin halok bo‘lgan edi. 2010 yilda SeaWorld Orlando akvariumi murabbiyi Doun Brancho boshqa bir kosatka tomonidan suv ostiga tortib ketilgandi. Bu hodisa «Qora suzgich» hujjatli filmi uchun asos bo‘ldi.