O‘zbekiston prezidentining tegishli farmonlari bilan, ayrim huquqni muhofaza qiluvchi idoralar rahbarlariga yangi unvonlar berildi.
Bosh prokuror Nig‘matilla To‘lqinovich Yo‘ldoshevga 2-darajali davlat adliya maslahatchisi maxsus unvoni berildi.
Ichki ishlar vaziri Aziz Anvarovich Toshpo‘latovga general-leytenant maxsus unvoni berildi.
Mudofaa vaziri Shuhrat G‘ayratjonovich Xolmuhammedovga general-leytenant harbiy unvoni berildi.
Davlat xavfsizlik xizmati raisi o‘rinbosari Bahrom Asilovich Rashidovga general-mayor harbiy unvoni berildi.
Unvonlarni prezident Shavkat Mirziyoyev O‘zbekiston mustaqilligining 34 yilligi arafasida, 27 avgust kuni tantanali tarzda topshirdi.
Tadbirda, shuningdek, adliya vaziri Akbar Jo‘raboyevich Toshqulov “Do‘stlik” ordeni bilan taqdirlandi.
