Qushbegidagi quvur ishlab chiqarish sexida yong‘in sodir bo‘ldi

Yakkasaroy tumanida sodir bo‘lgan yong‘in to‘g‘risida birlamchi ma’lumot taqdim etildi.

Bugun, 11 sentabr kuni soat 12:40 da Toshkent shahar, Yakkasaroy tumani, Qushbegi ko‘chasida joylashgan plastmassa quvurlari ishlab chiqarish sexida yong‘in sodir bo‘lgani to‘g‘risida FVBga xabar kelib tushgan.

Shunga ko‘ra, yong‘in-qutqaruvchilar soat 12:46 da hodisa joyiga yetib borib, yong‘in soat 13:08 da qurshab olingan va soat 13:15 da o‘chirilgan.

Dastlabki ma’lumotlarga ko‘ra, tan jarohati olganlar to‘g‘risida xabar kelib tushmagan.

Voqea joyiga favqulodda vaziyatlar vaziri, Toshkent shahar FVB boshlig‘i yetib borgan.