O‘zbekistonda bolalar jarrohligiga oid yangi usul patentlandi

Yaratilgan foydali model tibbiyotda ya’ni, travmatologiya va ortopediyada ishlatiladi. Usul texnik jihatdan sodda hamda nisbatan kamroq shikastlanishi bilan ajralib turadi. 

U pastki oyoq-qo‘llarni gips bilan immobilizatsiya qilish vaqtini qisqartirishga imkon beradi hamda suyaklarning birlashishi uchun qulay sharoit yarata olishi sababli amaliy tibbiyotda keng qo‘llanishi mumkin.

Foydali modelni ro‘yxatdan o‘tkazish, ya’ni patent olish mutlaq huquqlarni himoya qilish uchun zarurdir. U foydali modelni ruxsatsiz boshqalar foydalanishiga yo‘l qo‘ymaslik huquqini beradi, bu esa uni insofsiz raqobatdan himoya qilish va foydalanishdan potensial foyda olish imkonini yaratadi.

Foydali modelni ro‘yxatdan o‘tkazish uchun Adliya vazirligining im.adliya.uz sayti orqali ariza topshirish mumkin.