Fazliddin Erkinboyev – jahon chempioniga aylandi, yana 7 ta oltin uchun imkoniyat bor

Angliyaning Liverpul shahrida o‘tkazilayotgan boks bo‘yicha 2025 yilgi jahon chempionatida o‘zbekistonlik bokschilar ishtirokidagi dastlabki final bahsi o‘tkazildi.

–75 kg vazn toifasida finalgacha yetib kelgan Fazliddin Erkinboyev Bolgariya vakili Kivan Ramiga qarshi ringga chiqdi. Jangda Faziliddin raqibidan ustunligini ko‘rsata oldi va chempionlikni qo‘lga kiritdi. Bu – O‘zbekiston hisobidagi dastlabki oltin medalga aylandi.

Erkinboyev finalgacha bo‘lgan yo‘lda nimchorak finalda turkiyalik Sulton O‘smonlini (5:0), chorakfinalda belgiyalik Hamza Sririni (5:0), yarimfinalda esa asli o‘zbekistonlik, turnirda Ozarboyjon nomidan qatnashayotgan Saidjamshid Jafarovni (4:1) mag‘lubiyatga uchratgandi.

13 sentabr kungi yarimfinal janglarida ayollar jamoasidan Cabina Boboqulova, Feruza Kazakova va Aziza Zokirova navbatdagi raqiblarga mag‘lub bo‘lib, bronza bilan kifoyalandi.

Final. -75 kg: Fazliddin Erkinboyev – Kivan Rami (Bolgariya) 5:0

Shuningdek, kun davomida ringga ko‘tarilgan yana uch nafar bokschimiz final yo‘llanmasiga ega chiqdi. 

Yarim finallar:
-48 kg: Sabina Boboqulova – Nazim Kizaybay (Qozog‘iston) 1:4
-65 kg: Asadxo‘ja Mo‘ydinxo‘jayev – Lasha Guruli (Gurjiston) raqib ringga chiqmadi
-80 kg: Javohir Ummataliyev – Gabriel Veochich (Xorvatiya) 5:0
-51 kg: Feruza Kazakova – Buse Naz Chaqiro‘g‘li (Turkiya) 1:4
-70 kg: Aziza Zokirova – Lekeisha Pergoliti (Avstraliya) 0:5
-85 kg: Akmaljon Isroilov – Mixail Fares (Avstriya) 5:0

Bungacha Nigina O‘ktamova, Sitora Turdibekova, Oltinoy Sotimbayeva, Humorabonu Mamajonova, Mirazizbek Mirzaxalilov, Shavkatjon Boltayev va Shodiyor Meliqo‘ziyev chorakfinalda mag‘lub bo‘lib, turnirni medalsiz yakunlagandi.

Shu tariqa, o‘zbekistonliklar 1 oltin va 3 bronza bilan umumjamoa hisobida Hindistonni (1 oltin, 1 bronza) ortda qoldirib, 1-o‘ringa ko‘tarildi.

14 sentabr kuni turnirning so‘nggi kunida O‘zbekiston vakillari ishtirokidagi 7 ta final janglari bo‘lib o‘tadi:

17:15. -65 kg. Asadxo‘ja Mo‘ydinxo‘jayev – Yuriy Falkao Dos Reys (Braziliya)
17:45. -80 kg. Javohir Ummataliyev – Yojyerlin Tsezar (Fransiya)
18:00. -90 kg. To‘rabek Habibullayev – Isayas Filyo (Braziliya)
22:15. -60 kg. Abdumalik Xalokov – Luiz Gabriel de Oliveyra (Braziliya)
22:30. -65 kg. Navbahor Hamidova – Aida Abikeyeva (Qozog‘iston)
23:15. -85 kg. Akmaljon Isroilov – Tign Stott (Angliya)
24:45. +90 kg. Jahongir Zokirov – Oybek O‘ralboy (Qozog‘iston).

Janglardagi vaqtlar taqdirlash marosimining vaqtlariga qarab o‘zgarib borishi mumkin.

Boks. JCh-2025. Medallar jamg‘armasi: