Microsoft kompaniyasi Isroil harbiy bölinmalariga ba’zi xizmatlarga kirişni bloklab qöydi. Avvalroq, jurnalistlar uşbu dasturiy ta’minotlar tinç falastinliklarning telefon qönğiroqlarini kuzatiş uçun işlatilganini ma’lum qilgan edi. Microsoft kompaniyasi içki tekşiruvdan keyin bu da’volarning asosli ekanini aniqladi, deb xabar berdi Sky News.
The Guardian va boşqa ommaviy axborot vositalari suriştiruviga köra, Isroil harbiylari Ğazo va Ğarbiy Sohilda yaşovçi falastinliklarning «millionlab» mobil telefon qönğiroqlari yozuvlarini saqlaş uçun Microsoft Azure dasturiy ta’minotidan foydalangan.
«Biz tinç aholini ommaviy kuzatiş uçun texnologiyalarni taqdim etmaymiz», dedi Microsoft prezidenti Bred Smit kompaniya blogida.
Uning sözlariga köra, ayrim dasturiy obunalarni «töxtatiş va öçiriş» qarori, jumladan, ma’lum bulutli saqlaş joylari va sun’iy intellekt xizmatlaridan foydalaniş kompaniyaning Isroil va Yaqin Şarqning boşqa mamlakatlari uçun kiberxavfsizlik xizmatlariga ta’sir qilmaydi.
No Azure for Apartheid kampaniyasi Microsoft kompaniyasining Isroil armiyasining ba’zi xizmatlarga kirişini bloklaş qarorini olqişladi.
«Bu nutq sözlagan va norozilik bildirgan texnologik sohaning jasur xodimlari harakatlarini oqlaş lahzasidir», dedi Vaşington ştatidagi Amerika-Islom munosabatlari böyiça kengaş bölimi ijroçi direktori Imron Siddiqiy.
