«Biz kim bilan ishlayapmiz?» degan savolga javob

Endi esa barcha kerakli ma’lumotlar bitta ekranda, ko‘zga yaqqol tashlanadigan bloklarda va tahliliy ko‘rsatkichlar bilan iHamkor platformasidagi yangilangan kartochkada jamlangan.

Hisobotdan tahlilgacha

iHamkor platformasida yangi vosita paydo bo‘ldi: u kontragentlarni tekshirish va kompaniyalarni tahlil qilishga yondashuvni o‘zgartirishi mumkin. Endi odatiy “reyestr” jadvali o‘rniga foydalanuvchilar vizualizatsiya, koeffitsiyentlar va qisqa xulosalari bo‘lgan to‘liq biznes-diagnostikani qo‘lga kiritadi.

Yaqin-yaqingacha iHamkor’dagi kompaniya kartochkasi quruq raqamlar to‘plamiga o‘xshardi: balanslar, hisobotlar — hammasi faqat sonlardan iborat edi. Buni tushunish faqat mutaxassislargagina oson edi. Endi esa format o‘zgardi: ma’lumotlar tahliliy izohlar bilan birga beriladi, asosiy ko‘rsatkichlar rang va ikonkalar orqali ajratib ko‘rsatilgan, jadvalning o‘zi esa ancha tushunarli bo‘ldi.

Endi har bir kompaniyaning barqarorlik reytingi va kredit profili bor. Shu orqali moliyaviy ahvolni bir qarashda tushunib olish mumkin.

— Men har kuni ishlatish mumkin bo‘lgan vosita yaratishni maqsad qilgandim. Hozir u shunday shakl oldi, deb o‘ylayman. Biz iHamkor’da kompaniya kartochkasining yangi ko‘rinishini ishga tushirdik. Bu oddiy “redizayn” emas. Bu — reyestrdan tushunishga o‘tish. Raqamlar yig‘indisidan aniq xulosalarga kelish, — deya o‘z fikrlarini bo‘lishdi Venkon kompaniyalar guruhi asoschisi va rahbari Asqar Ismoilov o‘zining LinkedIn sahifasida.

iHamkor kartochkasidagi yangiliklar nimadan iborat?

• Sudlar va ijro ishlarida ishtiroki — ishlar soni, kompaniyaning roli, undiruv summalari.

• Davlat xaridlari — tenderlardagi ishtirok, shartnomalar, buyurtmachilar va buyurtmalar hajmi.

• Moliya — nafaqat tushum va foyda, balki ularning dinamikasi, rentabellik koeffitsiyentlari va soha bo‘yicha taqqoslash.

• Soliqlar — to‘lov tarixi, o‘zgarishlar va hudud yoki mamlakat reytingidagi o‘rni.

• Aktivlar — qoplash koeffitsiyentlari, moliyaviy mustaqillik, ROA, tushum o‘sishi.

• Barqarorlik reytingi va uning batafsil sharhi.

Avvallari kompaniya kartochkasi quruq jadval ko‘rinishida edi: faqat raqamlar, hech qanday kontekst, izoh yoki taqqoslashsiz. Endi esa hammasi boshqacha: har bir bo‘lim interaktiv — diagrammalar, filtrlar va rangli ko‘rsatkichlar raqamlarni aniq va ravshan tasvirga aylantiradi.

Bu yechim kimlar uchun?

• Banklar va MFOlar

• Yetkazib beruvchilar va pudratchilar

• Biznes-analitiklar va investorlar

• Kompaniya egalari

Qayta ko‘rishning cheklanmagan imkoniyati

Avvallari foydalanuvchilar tanlov qilardi: eski ma’lumotlarni bepul ochish yoki yangilangan versiyaga limit sarflash. Endi esa tizim kartochkani avtomatik ravishda yangilaydi va obuna doirasida istalgancha qayta kirish va ko‘zdan kechirish mumkin. Bu imkoniyat raqobatchilar va hamkorlarning o‘zgarishlarini muntazam kuzatadiganlar uchun ayni muddao.

Nega bu muhim?

Zamonaviy bozor tezkorlikni talab qiladi: banklar mijozni bir necha daqiqada baholaydi, investorlar bir kunda o‘nlab kompaniyalarni tahlil qiladi, biznes esa pudratchi va yetkazib beruvchilarni izlaydi. Ma’lumotlarni qo‘lda yig‘ish esa haftalab vaqt oladi. Yangi iHamkor kartochkasi esa bu jarayonni qisqartiradi va moliya va soliqlardan tortib sud ishlari va tenderlardagi ishtirokigacha bo‘lgan barcha kerakli ma’lumotlarni bitta ekranda jamlaydi.

iHamkor kartochkalari O‘zbekistonda biznes yuritish madaniyatiga yangicha yondashuv olib kirmoqda. Endi faqat obro‘ yoki shaxsiy tanishlarga tayanib emas, balki aniq raqamlar va tahlillarga asoslanib qaror qabul qilish mumkin. Buning natijasida esa biznes aloqalar ancha shaffof va asosli bo‘lishi kutilmoqda.

Tekshirish uchun: ihamkor.uz