"Real" bosh murabbiyi Joze Mourinio La Liganing 7-turida "Atletiko"dan uchralgan magʻlubiyatdan soʻng hakamni tanqid qildi.
Uchrashuvning 52-daqiqasida Din Xyoysenga qizil kartochka koʻrsatildi va “Real” darvozasi tomon penalti belgilandi. Grimaldo penaltini aniq bajarib hisobni ochdi. Devid 59-daqiqada mezbonlarning ikkinchi goliga mualliflik qilgan boʻlsa, 89-daqiqada Ryudiger hisobni qisqartirdi.
Bahsda Migel Anxel Ortis Arias bosh hakam sifatida ishladi.
"Hakamga derbida ishlash tajribasi yetishmadi. U 41 yoshda. U kichik oʻyinlarni boshqargan zaif hakam. Hakamlar qoʻmitasini ushbu tayinlov bilan tabriklayman", - dedi Mourinio oʻyindan soʻng.
"Atletiko" yettita oʻyindan soʻng 16 ochko toʻplab, turnir jadvalida ikkinchi oʻrinni egallab turibdi. "Real" esa 15 ochko bilan toʻrtinchi oʻrinda joylashgan.
Musobaqa jadvalida “Barselona” 21 ochko bilan yetakchilik qilmoqda. Undan keyingi oʻrinda 18 ochko bilan “Real” Betis bormoqda.
