Prezident Shavkat Mirziyoyev 6 oktyabr kuni Ozarboyjon prezidenti Ilhom Aliyevning taklifiga binoan amaliy tashrif bilan ushbu mamlakatga bordi.
Gabala xalqaro aeroportida O‘zbekiston yetakchisini Ozarboyjon madaniyat vaziri Odil Karimli, Gabala tumani ijro hokimiyati rahbari Sabuhi Abdullayev va boshqa rasmiy shaxslar kutib oldi.
Tashrif dasturiga muvofiq, davlat rahbari 7 oktyabr kuni Turkiy davlatlar tashkiloti sammitining rasmiy tadbirlarida ishtirok etadi.
