Bolalarni davlat maktablariga qabul qilishda eskirgan tartibotlar bekor qilinadi

Quyidagilarni nazarda tutuvchi yuridik shaxslarni xususiy bandlik agentliklarining reyestriga kiritish bo‘yicha davlat xizmatini ko‘rsatishning ma’muriy reglamenti tasdiqlanadi:

• yuridik shaxslarni xususiy bandlik agentliklarining reyestriga kiritish uchun Davlat xizmatlari markazlari hamda Yagona interaktiv davlat xizmatlari portali (YaIDXP) orqali murojaat qilish;
• xususiy bandlik agentliklarining reyestriga o‘zgartirish kiritish tartib-taomillarini belgilash;
• xususiy bandlik agentliklarining reyestriga kirganlik bo‘yicha guvohnoma namunasini tasdiqlash.

Hukumat ayrim qarorlariga quyidagilarni nazarda tutuvchi o‘zgartirish va qo‘shimchalar kiritiladi:

• ayrim ma’lumotnomalarni olish uchun jismoniy shaxsning yaqin qarindoshlari tomonidan bevosita murojaat qilish imkoniyatini yaratish;
• ko‘chmas mulkni bo‘lish hamda birlashtirish va ularning yangi chegaralarini belgilashda kompozit shaklda xizmat ko‘rsatishni yo‘lga qo‘yish;
• avtomobil transportida yo‘lovchilarni tashish faoliyatini boshlash bilan bog‘liq tartib-taomillarda muddatlarni qisqartirish;
• tadbirkorlik sub’yekti bo‘lgan yuridik shaxslar rahbar ma’lumotlarini o‘zgartirish tartibini belgilash;
• bolalarni davlat umumiy o‘rta ta’lim muassasalariga qabul qilishda eskirgan tartibotlarni bekor qilish;
• ayrim davlat xizmatlarini Davlat xizmatlari markazlari va YaIDXP orqali ko‘rsatish.