Ikkinchi va undan keyingi oliy ta’lim olish istagida bo‘lgan fuqarolar arizalarini my.edu.uz platformasi orqali onlayn shaklda topshiradi.
Ariza berish jarayonida nomzod pasport va JShShIR ma’lumotlarini kiritishi, diplom hamda uning ilovasining elektron nusxasini yuklashi lozim.
Shuningdek, o‘qish istagida bo‘lgan oliy ta’lim muassasasi va tegishli ta’lim yo‘nalishi tanlanadi.
Ikkinchi va undan keyingi oliy ta’lim to‘liq to‘lov-kontrakt asosida amalga oshiriladi.
Ikkinchi mutaxassislik bo‘yicha qabul kvotalari har bir oliy ta’lim muassasasining ilmiy-pedagogik salohiyati va moddiy-texnik bazasidan kelib chiqqan holda belgilanadi. Qabul parametrlarini OTM kengashi mustaqil ravishda tasdiqlaydi.
Ikkinchi va undan keyingi oliy ta’limga qabul natijalari oliy ta’lim muassasalari tomonidan 30-avgustga qadar e’lon qilinadi.
