Oliy ta’lim, fan va innovatsiyalar vaziri Qönğirotboy Şaripov ma’lum qilişiça, 2026-2027 öquv yili uçun davlat granti kvotasi 36 ming 23 tani taşkil etadi. Bakalavriatning kunduzgi ta’lim şakli böyiça umumiy qabul esa 234 mingdan ortiq etib belgilangan.
Vazirning ta’kidlaşiça, qabul jarayonida muhandislik, axborot texnologiyalari (IT), pedagogika hamda agrar sohalar ustuvor yönalişlar sifatida belgilangan.
Sönggi uç yilda kunduzgi ta’lim şakli böyiça qabul körsatkiçlari izçil ösib bormoqda. Xususan, 2024 yilda mazkur körsatkiç 127 ming 995 nafarni taşkil etgan bölsa, 2025 yilda 148 ming 400 nafarga yetgan. 2026 yilda esa qabul hajmi 234 mingdan ortiq etib belgilandi.
Şu tariqa, yangi öquv yilida oliy ta’limga qabul qamrovini kengaytiriş va iqtisodiyot uçun zarur bölgan mutaxassislarni tayyorlaşga alohida e’tibor qaratilmoqda.
