Google yangilik qilmaydimi? Pixel 10a dizayni internetda tarqaldi

Android Headlines nashri Google’ning yangi o‘rta toifali modeli haqida birinchi tasvirlarni e’lon qildi. Renderlarda ko‘rsatilgan ko‘k rang manbaga ko‘ra, haqiqiy bo‘lmasligi mumkin.

Tashqi ko‘rinish bo‘yicha katta yangiliklar kutilmayapti: orqa korpus plastikdan, ramkalar esa flagman modellariga nisbatan ancha qalin bo‘lishi mumkin.

Texnik jihatdan smartfon Tensor G4 chipining biroz tezlashtirilgan versiyasida ishlaydi. Google flagmanlar uchun mo‘ljallangan yangi Tensor G5 protsessorini TSMC ishlab chiqarmoqda, biroq u budjet seriyasi uchun qimmat bo‘lishi mumkin.

Pixel 10a taqdimoti 2026 yil boshida bo‘lib o‘tishi kutilmoqda.

Bir so‘z bilan aytganda, Google o‘z A-seriyasini yangilashda davom ettiradi, biroq bu safar asosiy urg‘u — quvvat va narxga berilayotganga o‘xshaydi.