Saida Mirziyoyeva YuNeSKO Bosh konferensiyasi ochilish marosimida ishtirok etdi

U ushbu tarixiy voqea mamlakat uchun muhim ahamiyat kasb etishini ta’kidladi.

Foto: Telegram/Saida Mirziyoyeva

Prezident Administratsiyasi rahbari Saida Mirziyoyeva 30 oktabr kuni Samarqandda YuNeSKO Bosh konferensiyasi 43-sessiyasining rasmiy ochilish marosimida ishtirok etdi.

«Kecha “Silk Road Samarkand” Kongress markazida YuNeSKO Bosh konferensiyasi 43-sessiyasining rasmiy ochilish marosimi bo‘lib o‘tdi. Bu tarixiy voqea mamlakatimiz uchun muhim ahamiyat kasb etib, O‘zbekistonni yana bir karra madaniy va gumanitar hamkorlik markazi sifatida namoyon qildi.

Mashhur tenor Yonas Kaufman va pianinochi Elen Mersening betakror, hissiyotlarga boy musiqiy chiqishlari tantanaga o‘zgacha joziba baxsh etdi», deb yozdi Saida Mirziyoyeva.

Tayyorlagan Сардор Юсупов

#YuNeSKO #Samarqand #Saida Mirziyoyeva

BMTning Ta’lim, fan va madaniyat masalalari bo‘yicha tashkiloti (YuNeSKO) Bosh konferensiyasining 43-sessiyasi 2025 yil 30 oktyabrdan 13 noyabrgacha Samarqand shahrida bo‘lib o‘tadi.