BMTTD ma’lumotiga ko‘ra, yangi shelter jabrdiydalar uchun xavfsiz muhit yaratadi, kompleks ijtimoiy, huquqiy va psixologik xizmatlar, shuningdek, reabilitatsiya hamda jamiyatga qayta integratsiya dasturlarini taklif etadi. Markaz Farg‘ona vodiysida gender zo‘ravonlikka qarshi tizimli javob choralarini kuchaytirishga xizmat qiladi.
Ochilish marosimida BMTTDning O‘zbekistondagi doimiy vakili Akiko Fudjii davlat idoralari va fuqarolik jamiyatining hamkorligi ahamiyatini qayd etdi. Ombudsman Feruza Eshmatova esa gender zo‘ravonlikning ijtimoiy-iqtisodiy oqibatlariga e’tibor qaratdi va barqaror hamkorlikni davom ettirish zarurligini ta’kidladi.
Loyiha BMTTDning «O‘zbekistonda qonun ustuvorligi va inson huquqlarini himoya qilishni mustahkamlash» yo‘nalishi doirasida amalga oshirilmoqda, moliyalashtirish Finlandiya hukumati ko‘magi hisobidan ta’minlangan.
