Apple qora rangli iPhone’lardan voz kechmoqda - iPhone 18 Pro yangi tuslarda chiqadi

Apple kompaniyasi o‘zining navbatdagi flagmani - iPhone 18 Pro uchun yangi rang variantlarini sinovdan o‘tkazmoqda. Xitoylik ishonchli insayder Digital Chat Station xabariga ko‘ra, kompaniya bu safar to‘q qizil, kofe rang va binafsha tuslarni tanlagan.

Foto: MacRumors

Manbalarga ko‘ra, Apple ko‘p yillar davomida “Pro” seriyasi uchun asosiy bo‘lib kelgan Space Black va Graphite ranglaridan butunlay voz kechmoqchi. Agar bu ma’lumot tasdiqlansa, iPhone 18 Pro tarixdagi birinchi qora rangsiz flagman iPhone bo‘ladi.

Yangi ranglar kompaniya tarixi bilan ham bog‘liq: kofe rang iPhone XS’dagi oltin-qum tusining davomi hisoblanadi. To‘q qizil esa Apple’ning xayriya yo‘nalishidagi (Product) RED seriyasini esga soladi.

Rasmiy ma’lumotlar hali e’lon qilinmagan, biroq insayderlar fikricha, yangi rangdagi iPhone 18 Pro modeli 2025 yil kuzida taqdim etilishi mumkin.

#smartfon #Apple #Iphone

Kun.uz yangiliklarini Google News'da kuzating

+ Obuna bo'lish