Toshkentda nufuzli OTM talabalari narkotik moddalar saqlash va sotishda gumonlanib ushlandi

Toshkentda bir nechta nufuzli oliy ta’lim muassasalari talabalari narkotik moddalarni saqlash va sotishda gumonlanib qo‘lga olindi. Holat yuzasidan jinoyat ishi qo‘zg‘atildi, tergov harakatlari olib borilmoqda.

Foto: Videodan kadr / Milliy TV

Millar telekanali xabar berishicha, olib borilgan tezkor chora-tadbirlar doirasida gumonlanuvchilardan biri yashash uyida o‘tkazilgan tintuv vaqtida qator moddalar aniqlandi va olib qo‘yildi.

Ular: taxminan 700 gramm marixuana, 600 gramm gashish, 100 gramm mefedron.

Ma’lumotga ko‘ra, ushbu faktlar asosida jinoyat ishi qo‘zg‘atilgan, hozirda tergov davom etmoqda.

2025 yilning dastlabki olti oyida O‘zbekistonda 46 nafar OTM talabasi narkotik moddalar aylanmasi (sotish) bilan bog‘liq ishlarda fosh etilgani xabar qilingan.