Xitoy hissasi qariyb 99 foiz: 9 oyda elektromobil importi keskin o‘sdi

Milliy statistika qo‘mitasi ma’lumotlariga ko‘ra, 2025 yil yanvar–sentabr oylarida O‘zbekistonga 16 ta davlatdan qiymati 473 mln dollar bo‘lgan 40 345 dona elektromobil import qilindi. Bu o‘tgan yilning shu davriga nisbatan 24 140 donaga ko‘p, ya’ni qariyb 2,5 baravar o‘sishdir.

Jami hajm 40 345 donani tashkil etdi (2024 yilning shu davriga nisbatan +24 140). Elektromobillar qiymati: 473 mln dollar. Taxminiy o‘rtacha kontrakt qiymati: ≈11,7 ming dollar/avto (473 mln / 40 345).

Yetkazib beruvchi davlatlar kesimi:

Xitoy — 39 798 dona (ulushi taxminan 98,6 foiz);
Hongkong — 249 dona;
Koreya Respublikasi — 165 dona;
Germaniya — 43 dona;
AQSh — 25 dona;
boshqa davlatlar — 65 dona.

Import hajmidagi jadal o‘sish ichki bozorda elektromobillarga talab kuchayganini ko‘rsatmoqda. Tuzilmada Xitoy ishlab chiqaruvchilari mutlaq ustunlikka ega. Hongkong va Koreya orqali yetkazib berishlar ulushi nisbatan kichik. O‘rtacha kontrakt qiymati 11–12 ming dollar atrofidagi segment hissasi yuqori ekanini anglatadi.

Tayyorlagan: Отабек Матназаров

#Xitoy #import #elektromobil