5 dekabr kuni AQSh poytaxti Vashington shahrida joylashgan The Kennedy Center majmuasida 2026 yilgi Jahon chempionatiga qur’a tashlash marosimi o‘tkaziladi. Ushbu nufuzli marosimda musobaqada ishtirok etuvchi terma jamoalarning guruhlardagi raqiblari aniqlanadi.
Qayd etilishicha, marosimda O‘zbekiston futbol assotsiatsiyasi rahbariyati, O‘zbekiston milliy terma jamoasi bosh murabbiyi Fabio Kannavaro, murabbiylar shtabi hamda FIFA tomonidan maxsus taklif etilgan o‘zbek futboli afsonasi Mirjalol Qosimov ishtirok etadi.
Mamlakat vakillarining JCh–2026 qur’a tashlash marosimida ishtirok etishi O‘zbekiston futboli nufuzining xalqaro maydonda o‘sib borayotganidan dalolat sifatida e’tirof etilmoqda.
