2025 yil 1 dekabr kuni soat 09:00 da atmosfera havosi ifloslanishini monitoring qilish bo‘yicha avtomatik stansiyalar ma’lumotlariga ko‘ra, Toshkent shahri havosida quyidagi ko‘rsatkichlar qayd etildi:
RM10 mayda dispersli zarrachalar miqdori — 256 mkg/m³ ni tashkil etdi. Bu ko‘rsatkich ruxsat etilgan me’yor 300 mkg/m³ dan oshmadi.
RM2,5 mayda dispersli zarrachalar miqdori — 180 mkg/m³ ni tashkil etdi va ruxsat etilgan me’yor (60 mkg/m³) dan 3,0 marta yuqori ekani aniqlandi.
Mutaxassislar ta’kidlashicha, ko‘rsatkichlarning oshishiga havo haroratining keskin o‘zgarishi ham ta’sir ko‘rsatgan. Haroratning o‘zgarishi inversiya jarayonini keltirib chiqaradi, natijada mayda zarrachalar past qatlamda to‘planib, atmosfera havosidagi ularning konsentratsiyasi oshishiga sabab bo‘ladi.
