Qoʻshimcha funksionallar
-
Tungi ko‘rinish
Toshkent havosida PM2,5 miqdori me’yordan oshdi
5 dekabr kuni soat 09:00 holatiga ko‘ra Toshkent shahri havosida PM2,5 mayda zarrachalar miqdori 64 mkg/m³ ni tashkil etib, ruxsat etilgan me’yordan 1,07 marta yuqori ekani aniqlandi.
2025 yil 5 dekabr kuni soat 09:00 holatiga ko‘ra atmosfera havosi ifloslanishini monitoring qilish bo‘yicha avtomatik stansiyalar ma’lumotlariga binoan, Toshkent shahri havosida PM2,5 mayda dispersli zarrachalar miqdori ruxsat etilgan me’yordan oshgani qayd etildi.
Xususan, PM10 zarrachalar miqdori 88,5 mkg/m³ ni tashkil etdi va bu ko‘rsatkich ruxsat etilgan me’yor (300 mkg/m³)dan oshmagan. Shu bilan birga, PM2,5 mayda zarrachalar miqdori 64 mkg/m³ darajada bo‘lib, belgilangan me’yor — 60 mkg/m³dan 1,07 marta yuqori ekani aniqlandi.
Ta’kidlanishicha, ko‘rsatkichlarning oshishiga havo haroratining keskin o‘zgarishi ham ta’sir qilgan. Harorat o‘zgarishi tufayli yuzaga keladigan inversiya jarayoni mayda zarrachalarning havoda to‘planishiga sabab bo‘ladi va atmosferadagi konsentratsiyani oshiradi.
