Monitoring natijalariga ko‘ra:
🔹 PM10 mayda dispersli zarrachalar miqdori 96 mkg/m³ ni tashkil etdi. Ushbu ko‘rsatkich belgilangan ruxsat etilgan me’yordan (REM — 300 mkg/m³) oshmagan;
🔺 PM2,5 mayda dispersli zarrachalar miqdori 74 mkg/m³ ga yetgan bo‘lib, ruxsat etilgan me’yor (60 mkg/m³) dan 1,2 marta yuqori ekani qayd etildi.
PM2,5 — inson nafas yo‘llariga chuqur kirib borishi mumkin bo‘lgan mayda zarrachalar bo‘lib, ularning me’yordan oshishi havo sifati pasayganidan dalolat beradi. Bunday paytlarda ayniqsa bolalar, keksalar va surunkali nafas yo‘llari yoki yurak-qon tomir kasalliklari bo‘lgan shaxslar uchun ehtiyot choralariga rioya qilish tavsiya etiladi.
Shu bilan birga, havo holati doimiy ravishda avtomatik stansiyalar orqali kuzatib borilyapti, aniqlangan ko‘rsatkichlar asosida atmosfera havosini me’yorga keltirish bo‘yicha tegishli chora-tadbirlar ko‘rish uchun mas’ul idoralarga ma’lumotlar taqdim etilishi qayd etilmoqda.
