JÇ-2026 qur’asi: raqiblar, taqvim va Ronaldu haqida

Qança oçko kerak?

Şu paytgaça jahon çempionati guruh bosqiçida ham qiziqarli intrigalar, «ölim guruhlari»ga örganib qolgan köpçilik muxlislar 48 ta jamoadan iborat formatdagi guruhlar tarkibidan norozi bölgani şubhasiz. Çunki aksariyat guruhlarda bölajak ğoliblarni hozirdan taxmin qiliş mumkin. Guruhlardagi uçinçi örin egalarilarda ham imkoniyat bölişi esa intrigani yanada pasaytirib yuboradi.

Töğri, 1994 yilgi mundialgaça ham guruhlarda 3-örin vakillari pley-offga çiqişgan, ammo u paytda guruhlar soni 6 ta bölar, har bir guruh kamida uçta kuçli jamoadan taşkil topardi. Keyinçalik iştirokçilar soni 32 taga oşirilgan formatda esa faqat 1 va 2-örinni egallagan jamoalar guruhdan çiqadigan bölişgan.

Ham guruhlar tarkibi kuçsizlangani, ham imkoniyatlar kengaygani – turnirning qariyb uçdan ikkisini taşkil qiladigan guruh bosqiçining qiziqarlilik darajasini tuşirib yuborgandek körinmoqda. Balki FIFA 1/16 final bosqiçidan voz keçib, har bir guruh ğoliblari va 4 nafar eng yaxşi 2-örin sohibini pley-offga çiqargani yaxşiroq bölarmidi? Şunda har bir guruhda 1-örin uçun qattiq kuraşga guvoh bölardik.

Albatta, bu bizning dardimiz emas. Xuddi yöllanmalar soni bilan bölganidek, Özbekiston uçun guruhdan çiqadiganlar qança köp bölsa şunça yaxşi.

Reglamentga köra, 3-örinni olgan jamoalarda ham keyingi bosqiçga çiqiş imkoniyati böladi, ammo hammasida emas. 12 guruhdan 1-2 örinlar 24 jamoani taşkil qilsa, yana 8 eng yaxşi körsatkiçga ega uçinçi örin sohiblari ham 1/16 finalga yöllanma olişadi.

Taqqoslaş va çamalaş uçun yaqinda xuddi şu formatda bölib ötgan ösmirlar örtasidagi jahon çempionatiga qaraş mumkin. Öşanda 4 ta jamoa 4 oçko, yana 4 jamoa 3 oçko bilan keyingi bosqiçga ötgan. Uç oçkolilarning uçtasi töplar nisbatida ijobiy farqqa ega edi. Ya’ni guruhda 4 oçko katta ehtimol bilan pley-offni kafolatlaydi, 3 oçko esa ba’zi şartlarda yetarli bölişi mumkin. Buning uçun masalan, Özbekiston dastlabki ikki turda Kolumbiya va Portugaliyaga yutqazadigan bölsa, kiçikroq hisobni saqlab qolişi kerak böladi. Katta ehtimol bilan, hammasi sönggi turdagi raqibga qarşi öyinda röy beradi. Ya’ni har qanday holatda Özbekistonda sönggi turgaça imkoniyat saqlab qolinadi

Kongo DR yoki Yamayka?

12 guruhdan oltitasida guruhlar tarkibi töliq şakllanmagan. Mart oyida böladigan qit’alararo va UYeFA pley-offida yana olti iştirokçi jamoa aniqlanadi. Törtinçi savatçadan bizga UYeFA vakili tuşmagani albatta, omadimiz kelganini anglatadi, ammo hozirgi qur’a ham öta omadli deb bölmaydi. Zero, Yangi Zelandiya, Haiti yoki Kabo Verde kabi jamoalar tuşganida imkoniyat biroz yuqori bölardi.

Guruhimizning törtinçi vakili Kongo DR, Yamayka va Yangi Kaledoniya jamoalari örtasidagi pley-offda aniqlanadi. Avval Yamayka va Yangi Kaledoniya özaro bahslaşadi va ğolib jamoa Kongo Demokratik respublikasi jamoasiga qarşi yöllanma uçun final bahsida kuç sinaşadi. Agar reytingga, jamoalar tarkibiga qarab baho berilsa, tabiiyki, bu uçlikda kongoliklar favorit va katta ehtimol bilan uçinçi raqib aynan Afrika vakili böladi.

Kongo DR ikki karra Afrika çempioni, 1974 yilgi jahon çempionati iştirokçisi sanaladi. Saralaşning guruh bosqiçida Kamerunni, pley-offda esa Nigeriyani yengib çiqqani e’tiborga olinsa, uşbu jamoa jiddiy muammo tuğdirişi tayin. Jamoa tarkibida Yevropada töp suradigan legionerlar juda köp.

Özbekistonlik muxlislarga «Mançester Yunayted» orqali yaqinroq taniş bölgan, ayni paytda esa APLning boşqa klublari «Byornli» va «Vest Hem»da öynayotgan Aksel Tuanzebe va Aaron van Bissaka ham Kongo DR milliy jamoasi a’zolari hisoblanişadi. Jamoa töpurari va eng tajribali futbolçisi, 34 yoşli Sedrik Bakambu esa ançadan buyon La Liga jamoalarida öynab keladi, hozirda «Betis» klubi a’zosi. Şuningdek, ayni paytda Angliyada kaşfiyot bölayotgan «Sanderlend» klubida öynovçi Artur Masuaku va Noa Sadiki ham şu mamlakatdan. Masuaku köproq zaxiradan tuşib tursa, 20 yoşli Sadiki hamma öyinda asosiy tarkibda harakat qilgan. Jamoada Fransiya, Belgiya, Şotlandiya, Polşa va Ispaniya çempionatining boşqa jamoalaridan ham futbolçilar bor.

Xullas, agar çetdan qarab soliştirsak, uşbu jamoa köpçilik öylaganidek, guruh autsayderi emas, hatto Özbekistonga qaraganda tajribali va kuçliroq tarkibga ega. Uşbu jamoaga qarşi öyinga çöntakdagi uç oçko sifatida emas, xuddi Kolumbiya yo Portugaliyaga qarşi bölganidek, jiddiy qaraş va puxta tayyorlaniş şart bölgan oğir uçraşuv sifatida qaraş lozim.

Kolumbiya – eng oğir raqib

Bir paytlar, ayniqsa 90-yillarda Kolumbiyaning jahon futbolidagi örni biroz boşqaça bölgan. U paytlarda nafaqat Afrika, balki Lotin Amerikasidagi boşqa mamlakatlarning ham Yevropa klublar futbolidagi örni pastroq bölgan va bu tabiiy. Sababi, har bir klub asosiy tarkibda köpi bilan 3 nafar legionerni öynatiş mumkin edi. Şu tufayli Yevropada töp suradigan amerikaliklar hozirgidek köp emasdi.

Şu fonda Kolumbiya KONMeBOLning Braziliya va Argentinadan keyingi eng yulduzli jamoasi hisoblanardi. Deyarli har jahon çempionati oldidan Pele aynan şu yurt jamoasini favorit sifatida tilga olar, ammo taxminlar özini oqlamay, kolumbiyaliklar goh Kamerun, goh Ruminiya kabi kamtar jamoalarga yutqazib, turnirni tark etişardi. Mana şu doimiy yuqori kutilmalar Kolumbiya jamoasi muhitini toksiklaştirar, Igitaning xatosi kabi yorqin xatolar, öz darvozasiga gol urib qöygan Eskobarning öldirib ketilişi kabi voqealar esa ularni ança yoqimsiz, işonçni oqlamaydigan, yetarliça balansga ega bölgan muammoli jamoaga aylantirardi.

Hozirgi paytda buning butunlay aksi. Kolumbiya Urugvay bilan birga eng mehnatkaş, jismonan baquvvat, yengiş öta qiyin bölgan jamoa hisoblanadi. Ötgan oyda biz örtoqlik öyinini aynan Urugvayga qarşi ötkazganimiz foyda bölgan deyiş mumkin, şu öyin bölmaganda ham, keyingi sparring raqib sifatida aynan Urugvayning tanlanişi maqsadga muvofiq bölardi. Öşa örtoqlik öyinida biz töliq tarkibda harakat qilmagan bölsak-da, Urugvayning jismoniy tayyorgarligi fonida kamçiliklar yaqqol közga taşlandi va Fabio Kannavaro ham muammo sifatida aynan şu jihatni köp bor tilga oldi. Ayni paytda Kolumbiya tarkib jihatidan Urugvaydan ham kuçli va mutaxassislar tomonidan mundialda ğolib çiqişi mumkin bölgan da’vogarlar öntaligiga kirgan.

Jamoa tarkibini tilga olganda ayni paytda Yevropada porlayotgan Deniel Munyoz, Luis Dias, Riçard Rios kabi futbolçilarni e’tirof etişdan taşqari, Lotin Amerikasi ölkalariga xos yana bir jihatni ham aytib ketiş kerak. Odatda Çili, Urugvay, Paragvay, Meksika yo Kolumbiya kabi jamoalarda odatda muxlislar nazaridan yöqolgan, ammo aynan yirik turnirlarda yuqori sport formasi namoyiş etib özini eslatadigan yulduzlar doim böladi. Xames Rodrigesni masalan, xuddi şunday, mundial uçun yaralgan futbolçilar sirasiga kiritiş mumkin.

Argentinalik mutaxassis Nestor Lorenso boşçiligidagi Kolumbiya milliy jamoasi saralaş öyinlarini ham juda kuçli ötkazdi va faqat Braziliya va Argentinadan keyingi uçinçi örinni egalladi. Öz maydonidagi uçraşuvlarda har ikki nomdor raqibni ham mağlub etdi. Albatta, Meksikadagi stadion bizga qarşi uçraşuvda Kolumbiyaning uy stadioniga aylanişiga şubha yöq.

Portugaliya milliy jamoasi asosi «Mançester Siti», «PSJ» kabi top-klublardan tuzilgan va katta ehtimol ular Çempionlar Ligasida ham oxirgi bosqiçlarga qadar borişadi. Mundialdagi guruh bahslarida Portugaliyada jismoniy çarçoq alomatlari bölişi yoki masalan, Özbekistonni mensimaslik, Kriştianu köproq gol urişi uçun harakat qiliş kabi faktorlar kiçik bölsa-da, yaxşiroq ssenariyga yöl oçib qolişi mumkin. Umid qilsa böladi. Ammo Kolumbiya guruhdan çiqiş uçun aynan 1-turda uç oçkoni qattiq xohlaydigan, bizning asosiy kamçiligimiz bölgan jismoniy tomondan mukammal bölgan raqib sanaladi va Özbekiston ilk öyinni mukammal ötkazişi şart.

Minginçi golni yaqindan köramizmi?

Öz vaqtida Pelening faoliyatidagi 1000-goli uzoq kuttirgani, oxiri futbol qiroli bu vazifani penalti orqali uddalagani haqida köp eşitganmiz. 2026 yil futbolda boşqa bir buyuk voqeaning guvohi bölişi – Kriştianu Ronaldu öz faoliyatidagi minginçi golini urişi mumkin. Şunda, portugaliyalik hujumçi, özining ta’biri bilan aytganda, «minglik klubi»ning hamma goli videoga yozilgan yagona a’zosiga aylanadi.

Ayni paytda Ronalduda 954 gol bor. Futbolçi töp suradigan «An Nasr» mundialgaça yana 28 öyinda maydonga tuşadi. Şuningdek, OFK kubogi pley-off öyinlari, içki kubok uçraşuvlari ham qöşilişi mumkin. Yana Portugaliya milliy jamoasining mart oyidagi rasmiy örtoqlik öyinlari qöşiladigan bölsa, Kriştianuda biz bilan öyingaça nazariy tomondan 40 ga yaqin uçraşuvda qatnaşiş imkoniyati böladi.

Albatta, Ronaldu jahon çempionatiga tayyorgarligiga urğu berişi va bahorgi öyinlarda jismoniy holatini yaxşi saqlab turiş uçun biroz ehtiyotkorlik qilişi mumkin. Ammo agar u minginçi golini aynan mundialda urişni niyat qilsa, biroz şoşilişiga töğri keladi.

Endi tasavvur qiling, mana şu qirqqa yaqin öyinlarda Ronaldu 45 gol urişni uddalasa va Özbekistonga qarşi öyinda uning minginçi golni uriş ehtimoli paydo bölsa? Ötkir yoki Abduvohidga omad tilagan holda, şunday katta voqeaning iştirokçisi böliş yoki gol kutadigan butun dunyoning hafsalasini pir qiliş futbolçilarimiz çekiga tuşsa, ajoyib bölardi, şunday emasmi?

Qahramon Aslanov