Repetitorlik bozorida narxlar o‘sish sur’ati saqlanib qolmoqda

2025 yil noyabr oyida repetitorlik xizmatlari narxlari yana o‘sishda davom etdi – oylik, yil boshidan buyon va o‘tgan yilga nisbatan o‘sish ko‘rsatkichlari bir vaqtning o‘zida qayd etilgan.

Milliy statistika qo‘mitasi ma’lumotlariga ko‘ra, joriy yil noyabr oyida repetitorlik xizmatlari narxlari oktyabr oyiga nisbatan o‘rtacha 0,5 foizga qimmatlashgan.

Shu bilan birga:

2025 yil boshidan buyon ushbu turdagi xizmatlar narxi jami 5,7 foizga;
o‘tgan yilning mos davriga nisbatan esa 6,9 foizga oshgani kuzatilgan.

Ko‘rsatkichlar xususiy ta’lim va qo‘shimcha darslar bozorida narxlar o‘sish tendensiyasi saqlanayotganini, repetitorlikka bo‘lgan talab bilan birga, xizmatlar qiymati ham oshib borayotganini anglatmoqda.