Xiaomi ayrim smartfonlarini qo‘llab-quvvatlashni to‘xtatadi

Xiaomi kompaniyasi EOL (End of Life) maqomini oladigan, ya’ni operatsion tizim va xavfszlik patchlari yangilanishi butunlay to‘xtatiladigan smartfonlari ro‘yxatini e’lon qildi.

E’lon qilingan jadvalga ko‘ra, 2026 yil boshida Redmi 12C smartfonini qo‘llab-quvvatlash to‘xtatiladi. 

Mart oyida Xiaomi 12 va Xiaomi 12 Pro EOL maqomini oladi. Ular uchun eng so‘nggi yangilanish HyperOS 3 bo‘ladi. 

Redmi Note 12 5G smartfonini qo‘llab-quvvatlash ham xuddi shu davrda to‘xtatiladi, u HyperOS 2 tizimida qoladi. 2026 yil oktyabrida Xiaomi 12T va 12T Pro eng so‘nggi yangilanishlarni oladi.

EOL maqomini olgan qurilmalar ishlashda davom etadi, lekin yangi funksiyalarni olish imkoniyatini yo‘qotadi.