21 mingdan ziyod ozarboyjonlik turistik maqsadda O‘zbekistonga kelgan

2025 yilning yanvar–noyabr oylarida jami 21,4 ming nafar Ozarboyjon fuqarosi turistik maqsadlarda O‘zbekistonga tashrif buyurgan. Bu ko‘rsatkich o‘tgan yilning mos davriga nisbatan 4,9 ming nafarga oshgan.

Milliy statistika qo‘mitasi ma’lumotlariga ko‘ra, hisobot davrida O‘zbekistonga kelgan Ozarboyjon fuqarolarining safar maqsadlari bo‘yicha ko‘rsatkichlar quyidagicha taqsimlangan:

sayyohlik – 13 950 nafar;
qarindoshlarni yo‘qlash – 5 567 nafar;
xizmat yuzasidan – 1 887 nafar;
o‘qish – 29 nafar;
davolanish – 10 nafar;
tijorat – 6 nafar.

Ma’lumotlardan ko‘rinishicha, Ozarboyjon fuqarolarining O‘zbekistonga tashriflari orasida eng katta ulush sayyohlik va qarindoshlarni yo‘qlash maqsadlariga to‘g‘ri kelgan.