Qoʻshimcha funksionallar
-
Tungi ko‘rinish
Zomindagi dor yo‘li 215 mlrd so‘mga sotildi
«Milliy bank»ka tegishli Zomindagi dor yo‘li 215 mlrd so‘mga sotildi. Xaridor – «Ref Ropeway Invest» MChJ. Kompaniya 2025 yilning 30 dekabr kuni Toshkent shahrida ro‘yxatga olingan. Ustav fondi – 60 mlrd so‘m.
«Milliy bank»ka tegishli Zomindagi dor yo‘li 215 mlrd so‘mga sotildi. Obektni sotish uchun tashkil etilgan auksionda faqatgina bitta kompaniya ishtirok etdi va yagona narx taklifi g‘olib deb topildi.
Xaridor – «Ref Ropeway Invest» MChJ. Kompaniya 2025 yilning 30 dekabr kuni Toshkent shahrida ro‘yxatga olingan. Ustav fondi – 60 mlrd so‘m. Ta’sischisi – Boboyeva Feruza Fayziyevna. U «China-Auto Motors» MChJning ham 100 foizlik ulushdori hisoblanadi.
Zomindagi dor yo‘li haqida
Dor yo‘li uchun uskunalar Shveytsariyaning Bartholet Maschinenbau AG kompaniyasi tomonidan ishlab chiqarilgan, kabinalar esa Germaniyaning Porsche Design Studio kompaniyasi tomonidan loyihalashtirilgan.
Yo‘lovchilarni tashish 8 o‘rinli 36 ta kabinalar orqali amalga oshiriladi. O‘tkazish imkoniyati soatiga 1200 ta yo‘lovchini tashkil etadi (bir tomonga).
Dor yo‘li 12 ta tayanchda joylashgan. Pastki stansiya dengiz sathidan 1961 metr balandlikda, yuqori stansiya dengiz sathidan 2490 metr balandlikda. Balandliklar farqi 529 metrni tashkil etadi. Yer uchastkasining umumiy maydoni 1,59 gektar.
