Yangi Kia Sportage: qulaylik, texnologiya va xavfsizlikning yangi bosqichi
|20:00 / 22.01.20269 7588 min
Reklama
2026 yil 10 yanvarda Kia’ning O‘zbekistondagi rasmiy distribyutori - ADM kompaniyalar guruhi Kia Sportage’ning yangi versiyasi ishga tushirilganini e’lon qildi. Krossover interer va ekstererda o‘zgarishlarga ega bo‘ldi hamda yuqori texnologiyali xavfsizlik va haydovchiga yordam tizimlarining kengaytirilgan to‘plami bilan jihozlandi.
Foto: Kia Foto: Kia
Birinchi marta 1993 yilda taqdim etilgan Kia Sportage jahon avtomobil sanoati tarixida sezilarli iz qoldirdi. Umumiy hisobda 7 million donadan ortiq sotilgan bo‘lib, model beshta avlodni yangiladi. So‘nggi yangilanish krossoverni brendning yangi dizayn falsafasi — «Qarama-qarshiliklar birligi»ga yanada moslashtirdi. Zamonaviy ko‘rinish va takomillashtirilgan jihozlar Sportage’ning o‘z segmenti yetakchilaridan biri sifatidagi mavqeini mustahkamlaydi.
Eksterer
Yangi Sportage gabarit o‘lchamlari 4 685 × 1 865 × 1 660–1 680 mm (uzunligi × kengligi × balandligi — versiyasi va tom qismidagi reylinglar mavjudligiga qarab).
Yangi Sportage’ning old va orqa yoritish uskunalari «Yulduzlar xaritasi» uslubida ishlab chiqilgan bo‘lib, krossoverga zamonaviy va ifodali ko‘rinish beradi. Yangi 3D tasvirli radiator panjarasi va vertikal LED farlar dinamik va yuqori texnologiyali qiyofani shakllantiradi, shuningdek, kunduzi ham, kechasi ham mukammal ko‘rinishni ta’minlaydi.
Yangi Sportage uchun diametri 17 dan 19 dyuymgacha bo‘lgan (komplektatsiyaga qarab) bir nechta dizayn variantlarida yengil qotishmali disklar taklif etiladi, bu esa avtomobil uslubi va xarakteri uchun eng maqbul uyg‘unlikni tanlash imkonini beradi.
Yanada agressiv va ifodali obrazni afzal ko‘ruvchilar uchun X-Line versiyasi mavjud. U eksklyuziv dizayn elementlari, jumladan, qora rangdagi Kia logotiplari, shuningdek, original dizaynga ega 19 dyuymli qora yengil qotishmali disklari bilan ajralib turadi.
Interer
Yangi Kia Sportage saloni zamonaviy uslubda bajarilgan bo‘lib, yaqqol gorizontal zonalarga ajratilgan. Old panel haydovchiga yo‘naltirilgan, panoramali egilgan ekran esa 12,3 dyuymli raqamli priborlar paneli va multimedia tizimining 12,3 dyuymli displeiyni birlashtirib, to‘liq vizual sho‘ng‘ish effektni yaratadi. Bazaviy versiyada 4,2 dyuymli rangli displeyga ega Supervision priborlar paneli o‘rnatilgan.
Tekis qismi kesilgan ikki spitsali rul chambaragi intererga sportcha va nafis ko‘rinish beradi. Barcha boshqaruv elementlari ergonomik joylashtirilgan va foydalanish uchun intuitiv ravishda tushunarli.
Mavzuga oid
Markaziy konsol va eshik panellarining yog‘och teksturasi hamda «metallga o‘xshash» elementlar bilan bezatilishi intererning premium toifadagi xususiyatini namoyon etadi. Salondagi LED yoritish yoqimli muhit yaratadi. Old oynadagi shovqin o‘tkazmaydigan qoplama shovqin darajasini samarali kamaytiradi va safarda qulaylikni oshiradi.
Old o‘rindiqlar isitish va ventilyatsiya, orqa o‘rindiqlar esa isitish funksiyasi bilan jihozlanishi mumkin. Ikkinchi qatorda o‘tirgan yo‘lovchilar uchun old bosh suyanchiqlarida kiyim ilichlar va o‘rindiq suyanchiqlarida qulay cho‘ntaklar mavjud.
Oyoq va bosh ustidagi rekord darajadagi kenglik tufayli ikkinchi qator o‘rindiqlari o‘z toifasidagi eng kenglaridan biri hisoblanadi, bu esa ayniqsa bolali oilalar va uzoq sayohat ishqibozlariga manzur bo‘ladi.
Orqa o‘rindiqlar konstruksiyasi nafaqat orqa suyanchiqlarni yotqizish, balki o‘rindiqlarning o‘zini ham pastga tushirish imkonini beradi, bu esa maksimal darajada qulay bo‘lgan yukxona hajmini ta’minlaydi. Yukxona eshigi intellektual boshqaruv va ochilish balandligi xotirasiga ega elektr yuritma bilan jihozlanishi mumkin.
Qo‘shimcha qulaylik haydovchi o‘rindig‘ining joylashuv xotirasi, old yo‘lovchi o‘rindig‘ini haydovchi o‘rindig‘idan yoki ikkinchi qatordan boshqarish imkoniyati, mobil qurilmalarni simsiz quvvatlash tizimi, to‘rtta USB Type-C ulagichi, shuningdek, stakan qo‘ygichlar uchun joyga ega markaziy konsoldagi hajmli bo‘lim orqali ta’minlanadi.
X-Line versiyasi uchun qora zamshli shift qoplamasi, intererning qora varianti va ikki rangli original rul chambaragi taklif etiladi.
Dvigatellar va uzatmalar qutilari
O‘zbekistonda yangi Kia Sportage ikki xil benzinli kuch agregati bilan taklif etiladi:
● 2.0 MPI (156 ot kuchi 6 200 ayl/min da, 192 N·m 4 500 ayl/min da) — tejamkorlik va qulaylikni qadrlaydiganlar uchun eng maqbul tanlov. 6 pog‘onali avtomat uzatmalar qutisi bilan jihozlanadi.
● 2.5 GDI (190 ot kuchi 6 100 ayl/min da, 242 N·m 4 000 ayl/min da) — yuqori dinamika va samaradorlikka ega. Yangilangan 8 pog‘onali avtomat uzatmalar qutisi bilan ishlaydi.
Yangilash jarayonida muhandislar harakat sifatlari va qulaylikka alohida e’tibor qaratdilar: osma tizim modernizatsiya qilindi, qo‘shimcha izolyatsiya materiallari hisobiga salonning shovqin izolyatsiyasi yaxshilandi.
Xavfsizlik
Barcha Kia avtomobillari kabi, yangi Sportage ham xavfsizlikka katta e’tibor qaratilgan. Yon tomondan zarbalarda yuqori va o‘ta yuqori mustahkam po‘latlar hamda issiq shtamplash elementlaridan foydalanish orqali himoya darajasi oshirilgan. Olti ta xavfsizlik yostiqchasi (old, yon va pardalar) yo‘lovchilarni to‘qnashuvlarda ishonchli himoya qiladi.
Yon tomondan shamol ta’sirida barqarorlashtirish tizimi avtomobilni yuqori tezlikda harakatlanayotganda polosa ichida ushlab turishga yordam beradi.
Sportage intellektual kruiz-nazorat (SCC), old tomondan to‘qnashuvning oldini olish tizimi (FCA 2), yo‘l chizig‘idan chiqib ketishning oldini olish ikkinchi avlod tizimi (LKA2), yo‘lda harakatlanish yordamchisi (LFA), ko‘rinmas hududlarni nazorat qilish tizimlari (BCA), orqa tomonga harakatlanishda to‘qnashuvlarning oldini olish (RCCA, PCA-R), avtomobildan xavfsiz chiqish tizimi (SEW) va boshqa funksiyalarni o‘z ichiga olgan kengaytirilgan faol xavfsizlik tizimlari majmuasi bilan jihozlanishi mumkin.
Rulda qo‘llar mavjudligini nazorat qilish tizimi (HoD) rul chambaragini yengil tebratish orqali haydovchini ehtimoliy xavfli vaziyatlar va e’tibor pasaygani haqida ogohlantiradi.
Yangi raqamli imkoniyatlar
Yangilangan multimedia tizimi kengaytirilgan funksional va yangi raqamli yechimlarga ega bo‘ldi. HUD proyeksiyali displey asosiy ma’lumotlarni old oynada aks ettirib, haydovchini yo‘ldan chalg‘itmaslikka yordam beradi.
Raqamli ovoz qayta ishlashga ega premium toifadagi Harman/Kardon audio tizimi yuqori sifatli va yorqin ovozni ta’minlaydi.
Komplektatsiyalar, ranglar va kafolat
Yangi Kia Sportage sakkizta kuzov rangida va komplektatsiyaga qarab ikki xil ko‘rinishda taqdim etiladi. Ranglar palitrasiga ikki yangi rang qo‘shildi: Wolf Gray va Heritage Blue.
Model Kia kompaniyasining 5 yil yoki 150 000 km yo‘l bosish (qaysi biri oldin yuz berishiga qarab) kafolati bilan ta’minlanadi.
Kia Sportage beshta komplektatsiyada taklif etiladi:
● Luxe — 454 900 000 so‘m;
● Prestige — 499 900 000 so‘m;
● Style — 549 900 000 so‘m;
● Plus — 584 900 00 0 so‘m;
● X-Line — 619 900 000 so‘m.
Komplektatsiyalar va narxlar haqida batafsil ma’lumotni kia.uz saytidan yoki brendning rasmiy dilerlik markazlaridan olishingiz mumkin.
