Тошкентдан йўлга чиққан поезд 1 соат давомида Янги Чиноз бекатида тўхтаб қолган. Вазиятни ҳал этиш мақсадида техник хизмат кўрсатиш цехидан қўшимча электропоезд жўнатилган.
768-сонли Тошкент – Самарқанд йўналишида ҳаракатланаётган юқори тезликдаги «Афросиёб» электропоезди Янги Чиноз бекати ҳудудида техник сабабларга кўра тўхтаб қолди.
Вазиятни тезкор ҳал этиш мақсадида техник хизмат кўрсатиш цехидан қўшимча электропоезд жўнатилди.
Маълумотларга кўра, йўловчилар унга ўтказилди.
— Муаллиф фикри таҳририят нуқтаи назарини ифода қилмаслиги мумкин.
— Таҳририят бу мавзу бўйича иккинчи томоннинг фикрларига ҳам минбар беришга тайёр
