Yaponlar pandalar bilan xayrlaşmoqda – özaro munosabatlar yomonlaşgani tufayli Xitoy ularni qaytarib olmoqda

«Pandalar bilan vidolaşuv» uçun 4 400 ta çipta çiqarilgan, Tokio rasmiylariga köra, 108 000 atrofidagi kişi çipta sörab murojaat qilgan.

«Men bu yerga öğlimni tuğilganidan buyon olib kelardim. Şuning uçun unda yaxşi xotiralar qolişiga umid qilaman. Ularni yodimizda saqlab qoliş uçun bu yerga kira olganimizdan xursandman», – deydi BBC bilan suhbatda Ay Sirakava.

Boşqa bir ayol esa pandalarni hali juda kiçikligida körgani va ular qanday ösişini kuzatib borganini aytadi.

«Bu ajib bir xursandçilik edi», – deya fikrlari bilan örtoqlaşgan u.

Hayvonot boğiga taşrif buyurganlarning ayrimlari yiğlab yuborgan.

Syao Syao va Ley Leyning ota-onasi, urğoçi Şin Şin va erkak Ri Ri Yaponiyaga naslçilik va tegişli tadqiqotlar uçun topşirilgan. CNN’ning yozişiça, ikkalasi ham 2024 yilda Xitoyga qaytarilgan, undan oldinroq, 2023 yilda esa egizaklarning singlisi Syan Syan qaytarilgandi.

Sönggi yillarda Xitoy pandalarini köpinça özi bilan yirik savdo şartnomalari tuzgan mamlakatlarga tortiq qilmoqda. 2011 yilda ikki panda Edinburg hayvonot boğiga yöl olgandi, bu Xitoyga Buyuk Britaniyadan losos, Land Rover avtomobillari va energiya texnologiyalarini yetkazib beriş böyiça muzokaralar tuzilgan vaqtga töğri kelgandi. Odatda pandalarni saqlaş böyiça şartnoma 10 yilga tuziladi, keyin esa muddati uzaytiriladi. Biroq Xitoy şartnomani uzaytirmaslikka qaror qilişi mumkin.

Pandalar qaçondir Yaponiyaga qaytişi mumkinmi? Mamlakatlar örtasidagi munosabatlar tobora yomonlaşib borayotgan bir şaroitda bu savolga javob beriş qiyin. Hozirça Ueno hayvonot boği xodimlari pandalar pavilyonini hozirgi körinişda saqlab qolişni rejalaştirmoqda va barçasi yaxşi bölişiga umid qilmoqda, deb yozadi CNN.

«Uşbu inşootlar katta pandalar uçun maxsus loyihalaştirilgan, şuning uçun ularni boşqa hayvonlarga moslaştiriş oson bölmasdi», – deb tuşuntirdi Syao Syao va Ley Leyni birinçi kundanoq östirişga yordam bergan hayvonot boğining hayvonlarni parvariş qiliş va ekspozitsiyalar böyiça direktori Hitoşi Suzuki. U Xitoy bilan jonivorlarni çatiştiriş va turlarni saqlab qoliş böyiça tadqiqotlar sohasida hamkorlikni davom ettirişga umid qilmoqda. Ammo undan ham köproq pandalar bir kun kelib hayvonot boğiga qaytişiga umid qiladi.

«Ular nafaqat maftunkor, balki hayratlanarli darajada qiziqarli jonivorlardir va men iloji boriça köproq odamlar ularni köriş imkoniyatiga ega bölişini istardim», – deya uning sözlarini keltiradi CNN.