Buxoro shahridagi “Global Lux Story Impeks” MChJ mansabdor shaxslari va boshqalarga nisbatan jinoyat ishi qo‘zg‘atilib, tergov harakatlari olib borilmoqda. Bu haqda viloyat IIB axborot xizmati xabar berdi.
Ma’lum qilinishicha, “Global Lux Story Impeks” MChJning 37 yoshli ta’sischisi Otabek Samandarov 2019-2023-yillarda Buxoro shahrida kvartira sotishni va’da qilib, 40 nafardan ortiq fuqaroning ishonchiga kirgan. U soxta shartnomalar tuzish va hujjatlarni qalbakilashtirish yo‘li bilan fuqarolarning juda ko‘p miqdordagi pul mablag‘larini firibgarlik yo‘li bilan qo‘lga kiritgan.
Hozirda Otabek Samandarovga nisbatan Jinoyat kodeksining 168-moddasi 4-qismi “a” bandi bilan jinoyat ishi qo‘zg‘atilgan. Unga qamoqqa olish tarzidagi ehtiyot chorasi qo‘llangan.
Buxoro viloyati IIB ushbu shaxsdan jabrlangan fuqarolardan +99865-220-41-24, +99898-278-09-07 raqamlari orqali murojaat qilishni so‘ragan.
