Xususiy boğçalarga imtiyozlar, jarima örniga ogohlantiriş va islomiy bank qonuni - mahalliy dayjest

Qayd etilişiça, yöl qoidalari buzilgani foto va video qayd etiş texnika vositalari orqali aniqlangan taqdirda, ma’muriy jazo huquqbuzarlik sodir etilgan kundan e’tiboran 1 oydan keçiktirmay qöllanadi.

Qamrovi past hududlarda xususiy boğçalarga yangi imtiyozlar beriladi

Prezident Şavkat Mirziyoyev maktabgaça ta’lim va tarbiya tizimini takomillaştirişga oid takliflar taqdimoti bilan tanişdi. Taqdim etilgan takliflarga köra, maktabgaça ta’lim bilan qamrovi 80 foizdan past bölgan tuman va şaharlarda (Toşkent şahri bundan mustasno) tadbirkorlar uçun qator qöllab-quvvatlaş çoralari joriy etiladi.

Jumladan, maktab va boğçalar hududidagi böş yer maydonlarida davlat-xususiy şeriklik asosida boğçalar taşkil etilganda, ijara tölovlari 30 yilgaça undirilmaydi. Şuningdek, har bir tarbiyalanuvçi uçun davlat boğçalarida bir bolaga töğri keladigan xarajatning 50 foizi miqdorida subsidiya ajratiladi. Uşbu tartib 2024 yildan taşkil etilgan nodavlat boğçalarga ham tatbiq etiladi.

Yöl harakatida ayrim huquqbuzarliklar uçun ogohlantiriş joriy etiladi

Yöl harakati bilan boğliq ayrim huquqbuzarliklar uçun dastlab ogohlantiriş beriladi. 4 fevralda imzolangan qonun bilan Ma’muriy javobgarlik töğrisidagi kodeksga tegişli qöşimça va özgartirişlar kiritildi.

Unga köra, yöl harakati xavfsizligi bilan boğliq kam ahamiyatli huquqbuzarliklar uçun ma’muriy ogohlantiriş jazosi qöllanişi belgilandi.

Ma’muriy ogohlantiriş – huquqbuzarlik sodir etgan şaxsni qonunga xilof xatti-harakatlarga yöl qöymaslik töğrisida ogohlantirgan holda unga rasmiy tanbeh berişdir. Ma’muriy ogohlantiriş yozma (elektron) şaklda qöllanadi.

Şu bilan birga, ma’muriy ogohlantiriş ayni bir şaxsga nisbatan bir yil davomida bir martadan ortiq qöllanmaydi.

Islomiy bank faoliyatining joriy etilişiga oid qonun Senatda ma’qullandi

Oliy Majlis Senatida «Özbekiston Respublikasining ayrim qonun hujjatlariga Özbekistonda islomiy bank faoliyatini joriy etişga qaratilgan qöşimça va özgartirişlar kiritiş töğrisida»gi qonun ma’qullandi.

Mazkur Qonun bilan 2 ta kodeks hamda 7 ta qonunga islomiy bank faoliyatini amalga oşirişning huquqiy asoslarini belgilovçi yangi normalar kiritilmoqda.

Xususan, Qonun bilan islomiy bank faoliyatini amalga oşiriş huquqini beruvçi litsenziya turi joriy qilinib, unga oid talablar belgilanmoqda. Jumladan, mazkur litsenziya bilan banklar tomonidan töliq islomiy bank faoliyatini amalga oşiriş yoki bir vaqtning özida ham an’anaviy, ham islomiy bank faoliyatini amalga oşiriş imkoniyati paydo böladi.