O‘zbekiston eksportida Rossiya va Xitoy yetakchi bozorlar bo‘ldi

Milliy statistika qo‘mitasi ma’lumotlariga ko‘ra, 2025 yilda O‘zbekistonning tashqi savdo aylanmasida eksport hajmi 33,8 mlrd AQSh dollarini tashkil etdi. Bu ko‘rsatkich o‘tgan yilning mos davriga nisbatan 24 foizga yuqori bo‘lgan.

Eksport geografiyasida eng katta ulush Rossiya va Xitoy hissasiga to‘g‘ri keldi. Xususan, Rossiyaga eksport hajmi 4,3 mlrd dollar, Xitoyga esa 2,5 mlrd dollarni tashkil etgan.

Shuningdek, yuqori o‘rinlarda Qozog‘iston va Afg‘oniston (har biri 1,5 mlrd dollar), Turkiya (1,1 mlrd dollar) qayd etilgan. Qolgan top-10 davlatlar qatorida Fransiya (872,2 mln dollar), Qirg‘iziston (771,1 mln dollar), BAA (720,7 mln dollar), Tojikiston (683,1 mln dollar) hamda Pokiston (325 mln dollar) joy olgan.

Mutaxassislar ta’kidlashicha, eksport hajmining o‘sishi tashqi bozorlarda talabning oshishi, mahsulot turlari diversifikatsiyasi va savdo aloqalarining kengayishi bilan bog‘liq bo‘lishi mumkin. Raqamlar yaxlitlangan.