Kecha, 11 fevral kuni soat 18:47 da Toshkent shahar Sergeli tumani, Sergeli-8 dahasida avtomobil yonayotgani to‘g‘risida Toshkent shahar FVBBga xabar tushgan.
Shunga ko‘ra, qutqaruv texnikalari ko‘rsatilgan manzilga soat 18:55 da yetib borib, yong‘in soat 19:07 da o‘chirildi.
Yong‘in oqibatida jarohatlanganlar yo‘q.
Ma’lum bo‘lishicha, aytilgan manzilda “Maxsustrans” DUK xizmatiga tegishli avtomobil yonib, zararlangan.
