InfinBANKʼda korrupsiya va manfaatlar to‘qnashuviga qarshi kurashish masalalari bo‘yicha seminar bo‘lib o‘tdi

Seminar korrupsiyaning oldini olish va korrupsiyaviy xavf-xatarlarni minimallashtirishga qaratilgan chora-tadbirlar, sohada amalga oshirilgan ishlar, shuningdek, «Aholiga ko‘rsatilayotgan bank xizmatlarining ochiqligi va shaffofligi, soha xodimlarining fuqarolar murojaatlariga munosabat bildirish madaniyati» kabi dolzarb masalalar bo‘yicha tayyorlangan tahliliy materiallar asosida tashkil etildi.

Uchrashuvda korrupsiyaviy xavf-xatarlar oldini olishning amaliy mexanizmlari, bank xizmatlarini ko‘rsatishda shaffoflikni ta’minlash, xodimlarning ichki tartib-qoidalar va qonunchilik talablariga rioya etish mas’uliyatini oshirish masalalari muhokama qilindi.

Tadbirda Markaziy bankning Toshkent shahri vakili hamda InfinBANK rahbariyatining ishtirok etishi korrupsiyaga qarshi kurashda yuqoridan boshlab shaxsiy namuna ko‘rsatishga xizmat qildi. Shuningdek, komplayens nazorat xizmati xodimlari va barcha hududiy bo‘linmalarning rahbar xodimlari ham qatnashdi. Mijozlarning murojaatlariga munosabat bildirish madaniyatini rivojlantirish, korrupsiyaga nisbatan murosasiz munosabatni shakllantirish hamda mijozlarning bank tizimiga bo‘lgan ishonchini mustahkamlashga alohida e’tibor qaratildi.

Seminar Toshkentdagi bank ma’muriy binosida o‘tkazilib, bank faoliyatiga halollik, shaffoflik va korrupsiyaga qarshi kurashish tamoyillarini joriy etish bo‘yicha tizimli ishlarning bir qismiga aylandi.

Bunday tadbirlarning o‘tkazilishi bankning korrupsiyaga qarshi kurashish, halollik, ochiqlik, shaffoflik va manfaatlar to‘qnashuviga yo‘l qo‘ymaslik tamoyillariga so‘zsiz sodiqligining ifodasidir.

Reklama huquqi asosida