Yangi xarita har bir mamlakat şahar aholisining qaysi qismi uning eng yirik şahrida yaşaşini körsatadi. Bu orqali qayerda megapolislar hal qiluvçi örin tutişini, qayerda esa aholi ança teng taqsimlanganini köriş mumkin. Ma’lumotlar Jahon banki statistikasiga asoslangan.
Jahon miqyosida şahar aholisining atigi 16 foizi öz mamlakatidagi eng yirik şaharda yaşaydi. Bu esa köpçilik davlatlarda aholi va iqtisodiy faoliyat bitta şaharda emas, balki bir neçta şahar markazlari örtasida taqsimlanganini anglatadi.
Röyxatni şahar-davlat Singapur, şuningdek Xitoyning ikki maxsus ma’muriy hududi — Hongkong va Makao boşqaradi. Şu bilan birga, Xitoy, Hindiston, Rossiya va AQŞ kabi ulkan davlatlarda eng yirik şaharda mamlakat aholisining 10 foizdan kam qismi istiqomat qiladi.
Hatto bir xil mintaqaning özida ham farqlar sezilarli bölişi mumkin. Buyuk Britaniya, Ispaniya va Fransiya aholisining taxminan beşdan bir qismi poytaxt va eng yirik şaharlarda yaşaydi. Germaniya va Polşada esa aholi ança muvozanatli taqsimlangan.
Yevropa Ittifoqining 27 davlati içida eng yuqori konsentratsiya Boltiqböyi mamlakatlarida kuzatiladi: Estoniya va Latviyada aholining 47–48 foiz qismi poytaxtlar — Tallin va Rigada yaşaydi.
Şimoliy va Janubiy Amerika dunyodagi eng yirik şaharlar vatani hisoblanadi, jumladan San-Paulu, Mexiko, Nyu-York va Toronto. Biroq hatto bu ulkan aglomeratsiyalar ham köp hollarda mamlakat aholisining Lima, Asunson yoki Montevideo kabi poytaxtlarga nisbatan kamroq uluşini birlaştiradi.
Mintaqaning köplab mamlakatlarida — masalan, Argentina va Kolumbiyada mustaqillikka erişilganidan buyon hokimiyat va resurslarni markazlaştiriş yoki markazdan çiqariş masalasi yuzasidan munozaralar davom etmoqda.
