Toshkent markaziy ko‘chalarida 200 dan ortiq daraxtda kasallik belgilari aniqlandi

Toshkent shahrining markaziy ko‘chalaridagi daraxtlar holati yoz mavsumidan buyon obodonlashtirish va ko‘kalamzorlashtirish boshqarmasi hamda ekologiya mutaxassislari tomonidan tizimli ravishda o‘rganilmoqda. Tekshiruvlar davomida 200 dan ortiq daraxtda turli kasallik va zararlanish holatlari aniqlangan.

Foto: Toshkent shahar hokimligi

Ma’lum qilinishicha, o‘rganishlar natijasida kasallik va zararlanish belgilari kuzatilgan daraxtlarning aksariyati davolanib, saqlab qolingan.

Shu bilan birga, ayrim daraxtlar biologik jihatdan faol bo‘lishiga qaramay, avariya holatiga kelib qolgani hamda zararkunandalar ta’sirida keskin zaiflashgani aniqlangan.

Fuqarolar xavfsizligini ta’minlash, yo‘lovchilar hamda atrofdagi sog‘lom daraxtlarga xavf tug‘dirmaslik maqsadida bunday daraxtlarni kesish zarurligi ta’kidlanmoqda.