SamAutoʼning 30 yillik tarixi: turkiyalik investor – Anadolu Isuzu bilan bitimdan keyin zavod qanday o‘zgardi?

Samarqand avtomobil zavodi 30 yilligini o‘zining faol transformatsiyasi bosqichida nishonlamoqda. Ushbu shonli sanaga atab kompaniya hujjatli filmni taqdim etdi, unda zavod bosib o‘tgan yo‘l: eng birinchi yig‘ilgan mashinalardan to O‘zbekiston tijorat transporti bozorining eng yirik qatnashchisi maqomigacha aks etgan.

SamAuto evolyutsion rivojlanishining uchta o‘n yilligi

SamAuto brendining tarixi 30 yil oldin — kompaniya 1996 yilda ta’sis etilgandan boshlangan. Uch yil o‘tgach, ilk konveyer ishga tushirildi va mana, 27 yildan buyon zavod uzluksiz ishlab chiqarish siklini amalga oshirib kelmoqda. Ushbu davr davomida korxona birinchi beshta bazaviy modellarni yig‘ishdan to portfelida 150 dan ziyod modifikatsiyadagi texnika mavjud bo‘lgan zamonaviy avtomatlashtirilgan kompleksni yaratishgacha bo‘lgan yo‘lni bosib o‘tdi.

Brendning ko‘lamini raqamlar tasdiqlaydi: O‘zbekistondagi har beshta tijoriy transportning biri – tez yordam avtomobili va o‘t o‘chirish mashinasidan to shahar avtobuslari va pikaplargacha – SamAuto zavodida ishlab chiqarilgan. O‘zbekistonda foydalanishda bo‘lgan texnikaning umumiy parki 60 000 donadan oshadi. O‘zlashtirilgan komponentlar turlarining soni 10 barobarga – 2 000 nomdan 20 000 gacha o‘sdi. Ushbu katta tajriba va to‘plangan ishlab chiqarish bazasi rivojlanishning joriy bosqichi va Anadolu Isuzu shaxsida global investorni jalb qilish uchun poydevor bo‘ldi.

Strategik alyans: Anadolu Group O‘zbekistonga investitsiya kiritadi

2025 yilning dekabr oyida korxona tarixida burilish nuqtasi bo‘ldi: Turkiyaning Anadolu Isuzu kompaniyasi SamAuto ustav kapitalidagi 75,2% davlat ulushini xarid qildi. Bitim summasi 80 mln. AQSh dollarini tashkil qildi investor yana shuncha summani zavodning texnologik rivojlanishiga yo‘naltirish majburiyatini zimmasiga oldi. Aksiyalar paketining qolgan qismi teng ulushlarda (12,4% dan) ko‘p yillik yapon hamkorlar – Itochu Corporation va Isuzu Motors Ltd’ga tegishli.

“Iqtisodiyotning erkinlashuvi va jahonga keng ochiqlik O‘zbekiston uchun qator tarmoqlarda, jumladan, avtomobil sanoatida markaziy habga aylanish borasida ajoyib salohiyatni taqdim etadi. Mamlakatda ushbu tarmoq ko‘p yillardan buyon rivojlanib keladi, salmoqli tajriba to‘plangan va investor sifatida bozorga kirib borishda aynan SamAuto biz uchun ideal nomzod bo‘ldi. Strategik rejalarimiz borasida hukumatning qo‘llab-quvvatloviga erishgach, men yaqin besh yilda O‘zbekiston iqtisodiyotini rivojlantirishga salmoqli hissa qo‘sha olishimizga umid bog‘layman”, - deya qayd etdi Anadolu Isuzu bosh direktori Yusuf To‘g‘rul Arikan.

Anadolu Group – yillik aylanmasi 16 mlrd AQSh dollaridan ziyod, 20 ta mamlakatda 100 dan ziyod zavodlarni boshqaruvchi global konglomerat tuzilmasiga kirish SamAuto’ni yangi sifat darajasiga olib chiqadi. Coca-Cola, Efes va Migros kabi brendlar bilan keng shuhrat qozongan turk guruhi Samarqand zavodini o‘zining xalqaro ishlab chiqarish zanjiriga integratsiyalaydi.

Yaqin 5 yilda nimalar o‘zgaradi?

SamAuto yangi yo‘l xaritasi sotuvlar hajmini karrasiga – 2030 yilga borib 2,5 barobarga oshirishga qaratilgan. Asosiy drayverlar - muqobil energiya manbalarini joriy etish va chuqur mahalliylashtirish bo‘ladi.

Elektrifikatsiya i ekologik standartlar. Yo‘lovchi tashish segmentida elektr tyagaga o‘tish ustuvor ahamiyat kasb etadi. Hozirda zavod katta sig‘imli past polli elektrobuslar ishlab chiqarmoqda. Shuning barobarida, muhandislar suyultirilgan tabiiy gaz (CNG) va vodorod texnologiyasi bazasida yechimlar ustida ham ishlamoqdaki, bu SamAuto texnikasiga qat’iy xalqaro ekologik standartlarga muvofiq kelish imkonini beradi.

Mahalliylashtirish va narxlar muhofazasi. Yaqin 3–5 yilda mahalliylashtirishni kengaytirishning yangi bosqichi rejalashtirilgan. Bu mahsulot tannarxini pasaytirish, logistikani soddalashtirish va yakuniy iste’molchi uchun narxni valuta tebranishidan muhofaza qilish imkonini beradi.

Servis markazlari tarmog‘ining kengayishi. Ekspertlar baholashiga ko‘ra, bitta maxsus texnikaning bir kun ishsiz turishi biznesga o‘rtacha 300 yevroga tushadi. Bu xarajatlarni minimallashtirish uchun SamAuto litsenziyalangan servis markazlari tarmog‘ini kengaytiradi va ehtiyot qismlarning uzluksiz yetkazilishi tizimini optimallashtiradi. Bu esa, mijozlarga texnikaning ishga chiqishining maksimal koeffitsiyentini va mamlakatning istalgan hududida qo‘llab-quvvatlovni kafolatlaydi.

Eksport ekspansiyasi. Turkiyalik investorning tuzilmasiga kirish SamAuto uchun uchta qit’adagi 40 dan ziyod mamlakatni qamrab oluvchi global savdo tarmog‘i eshiklarini ochadi. Yillik eksporti hajmi 200 mln AQSh dollaridan oshadigan (uning 70 foizi – Yevropa Ittifoqi mamlakatlariga) Anadolu Isuzu ekspertizasi SamAuto’ga eng talabchan va raqobat kuchli jahon bozorlariga chiqishda yordam beradi.

Kutilayotgan o‘zgarishlar ko‘lami va zavod o‘n yillar davomida bosib o‘tgan yo‘l SamAuto yubiley hujjatli filmiga asos bo‘ldi. Samarqand avtomobil zavodining kelajagi qanday bunyod etilayotganini tomosha qilish uchun havola orqali o‘ting.