2026 yilgi Sankt-Peterburg xalqaro iqtisodiy forumi doirasida tashkil etilayotgan “Saroy xonalarini kashf etib: Buxoro amiri saroyidagi san’at” nomli ko‘rgazma O‘zbekiston Madaniyat va san’atni rivojlantirish jamg‘armasi hamda Ermitaj muzeyi hamkorligida o‘tkazilmoqda.
Ko‘rgazmada Buxoro davlat muzey-qo‘riqxonasi, O‘zbekiston davlat san’at muzeyi, O‘zbekiston davlat amaliy san’at va hunarmandchilik tarixi muzeyi, Temuriylar tarixi davlat muzeyi hamda Ermitaj muzeyi kolleksiyalaridan o‘rin olgan nodir ashyolar namoyish etiladi.
Mehmonlar e’tiboriga Buxoro amirligining badiiy madaniyati, Markaziy Osiyo saroy hayoti an’analari, nafis amaliy san’at namunalari, zargarlik buyumlari va saroy maishiy turmushiga oid eksponatlar havola etiladi.
Mazkur xalqaro ko‘rgazma 5 iyundan 4 oktyabrga qadar tashrif buyuruvchilar uchun ochiq bo‘ladi.
