Nobud bo‘lgan hayvon jasadini krematsiya qilish tartibi belgilandi

Nizom nobud bo‘lgan hayvonlar jasadlarini ko‘zdan kechirish, tashish, vaqtincha saqlash va krematsiya qilish tartibini belgilaydi.

Krematsiya – nobud bo‘lgan hayvonlarning jasadini maxsus texnik uskunalar (krematoriy) yordamida yuqori haroratda yondirish orqali ularning biologik qoldiqlarini to‘liq yo‘q qilish usuli.
Nizomga muvofiq:

• hayvon nobud bo‘lgani aniqlanganda uning egasi shu kunning o‘zida mas’ullarga xabar berishi lozim;

• jasad maxsus transport yoki yopiq konteynerda krematoriyga olib boriladi;

• krematsiyagacha maxsus joyda saqlanadi, saqlash muddati qoidaga ko‘ra 24 soatdan oshmaydi;

• yuqumli kasallik aniqlanganda yoki o‘lim sababi noma’lum bo‘lganda krematsiya amalga oshiriladi;

• krematsiyadan keyin qolgan kul va qoldiqlar yo‘q qilinadi hamda dalolatnoma rasmiylashtiriladi.

Xavfsizlik talablariga ko‘ra, xodimlar shaxsiy himoya vositalari bilan ta’minlanadi, foydalanilgan joylar va uskunalar dezinfeksiya qilinadi, jasadni ochiq holda tashish va saqlash taqiqlanadi.