Venesueladagi vayronkor zilzila oqibatlari – suratlar

24 iyun kuni kechqurun Venesuelada 38 soniya oralig‘ida 7,2 va 7,5 magnitudali ikkita zilzila ro‘y berdi. AQSh Geologiya xizmati baholashicha, ikki yer silkinishi ham mamlakat poytaxti Karakasdan 160 kilometr g‘arbdagi hududda sodir bo‘lgan. Zilzila kuchi Karakasdagi binolarni ham qulatgan, Karib dengizi sohilidagi La-Guayra shtati esa hodisadan eng ko‘p jabr ko‘rgan hudud bo‘lgan. 25 iyun kuni ertalab berilgan ma’lumotlarga ko‘ra, 32 kishi halok bo‘lib, 700 dan ortiq kishi yaralangan. Rasmiylar qurbonlar soni ko‘proq bo‘lishi mumkinligini istisno etmayapti. AQSh Geologiya xizmati minglab kishilar halok bo‘lgani, qurbonlar soni 10 mingdan ham oshishi mumkinligini prognoz qilgan. Mamlakatda so‘nggi 100 yildan ortiq vaqt ichidagi eng kuchlisi bo‘lgan ushbu zilzila kuchini Braziliya shimolida ham sezishgan.

Venesuelada favqulodda holat e’lon qilindi. Vayrongarchiliklar tufayli Karakasdagi xalqaro aeroport faoliyati to‘xtatilgan, rasmiylar tura joylarga gaz uzatishni to‘xtatgan. AQSh va Lotin Amerikasi mamlakatlari Venesuelaga yordam va’da qilmoqda. Quyida ushbu vayronkor zilzila oqibatlari aks etgan suratlar keltiriladi.