Milliy statistika qo‘mitasi ma’lum qilishicha, joriy yilning birinchi yarmida 3 million 512 ming nafarga yaqin O‘zbekiston fuqarosi turistik maqsadlarda chet elga chiqqan. Bu ko‘rsatkich o‘tgan yilning mos davriga nisbatan 2,5 ming nafarga ko‘p.
Hisobotga ko‘ra, 2026 yilning yanvar–iyun oylarida o‘zbekistonliklar eng ko‘p quyidagi davlatlarga safar qilgan:
- Qirg‘iziston - 1 million 547 ming 589 nafar;
- Qozog‘iston - 667 ming 722 nafar;
- Tojikiston - 619 ming 515 nafar;
- Rossiya - 183 ming 759 nafar;
- Saudiya Arabistoni - 153 ming 591 nafar;
- Turkiya - 127 ming 241 nafar;
- Birlashgan Arab Amirliklari - 41 ming 780 nafar;
- Xitoy - 36 ming 502 nafar;
- Misr - 25 ming 905 nafar;
- Vetnam - 23 ming 409 nafar.
Statistikadan ko‘rinishicha, o‘zbekistonliklarning xorij safarlarida qo‘shni davlatlar yetakchilik qilmoqda. Ayniqsa, Qirg‘iziston, Qozog‘iston va Tojikistonga amalga oshirilgan tashriflar umumiy turistik safarlarning katta qismini tashkil etgan. Shuningdek, Rossiya, Saudiya Arabistoni va Turkiya ham o‘zbekistonliklar eng ko‘p tashrif buyurgan mamlakatlar qatorida qayd etilgan.
