«Arsenal» klubi «Bryugge» hujumchisi Xristos Tsolis transferini e’lon qildi.
Gretsiyalik 24 yoshli vinger London jamoasi bilan 2031 yil iyunigacha shartnoma imzoladi. Klub futbolchini 40 mln yevroga sotib oldi.
Tsolis "Bryugge" safida mamlakat chempioni, Belgiya kubogi va Superkubogi sohibi bo‘lgan.
U o‘tgan mavsumda Belgiya chempionatida 36 uchrashuvda maydonga tushib, 17ta gol va 23ta golli pas muallifiga aylangan.
Tsolis Gretsiya milliy jamoasi safida 34 bahsda 9ta gol kiritgan.
Gretsiyalik hujumchi ilgari PAOK, "Norvich", "Tvente" va "Fortuna" jamoalarida ham to‘p surgan.
