So‘nggi yillarda dunyo bo‘ylab kruiz (dengiz kemasida sayohat qilish) turizmi jadal sur’atlar bilan rivojlanmoqda. Bir kema bortida bir nechta mamlakat va shaharlarni ko‘rish, besh yulduzli mehmonxona darajasidagi xizmat, xilma-xil ovqatlanish, kechalik shou-dasturlar, spa-markazlar va oilaviy dam olish imkoniyatlarining barchasi bir paketda jamlangan bo‘ladi - aynan shu sababli kruiz sayohatlari jahon bo‘ylab millionlab sayyohlarni o‘ziga jalb qilmoqda.
Janubiy-Sharqiy Osiyoda bu yo‘nalish bo‘yicha Malayziya sezilarli darajada rivojlanib bormoqda. Mamlakat o‘zining qulay geografik joylashuvi - Tayland, Vetnam, Xitoy va boshqa mintaqa davlatlariga yaqinligi tufayli kruiz kemalari uchun strategik markazga aylanmoqda.
Adora Mediterranea - yirik zamonaviy kruiz kemasi
Malayziyaning Port Klang portidan (Kuala-Lumpur yaqinida joylashgan) endi «Adora Mediterranea» nomli yirik zamonaviy kruiz kemasi doimiy qatnovlar amalga oshirmoqda. Bu - Xitoyning Adora Cruises kompaniyasiga tegishli bo‘lgan, hashamatli va zamonaviy loyihalashtirilgan yirik okean layneri.
Kema haqida asosiy ma’lumotlar
- Umumiy tonnaj: 85 619 GT
- Uzunligi: 292 metr
- Eni: 32 metr
- Kreyserlik tezligi: 22 uzel, maksimal tezligi: 24 uzel
- Yo‘lovchilar sig‘imi: 2 680 kishigacha
- Palubalar soni: 12 ta
Kema ichida yo‘lovchilar uchun turli toifadagi kabinalar mavjud - ichki (derazasiz) standart xonalardan tortib, to dengiz manzarali balankon (ayvonli) lyuks va Grand Suite darajasidagi xonalargacha. Har bir toifa o‘z navbatida Classic, Premium, Deluxe va Super Deluxe darajalariga bo‘linadi, bu esa har qanday byudjyet va ehtiyojga mos variant tanlash imkonini beradi.
Kema bortidagi imkoniyatlar
Kruiz sayohatining asosiy jozibasi - bu shunchaki transport emas, balki bortning o‘zi to‘laqonli dam olish makoniga aylanganligidadir:
🍽 Ovqatlanish
Kemada bir nechta restoran mavjud: 1 314 kishilik asosiy ikki qavatli restoran, xitoy va italyan taomlari tayyorlanadigan maxsus restoranlar, dengiz mahsulotlari va marmar go‘shtdan tayyorlangan steyklar servis qilinadigan «Medusa» restorani, an’anaviy xitoycha xot-pot tajribasi, tayland milliy taomlari restorani hamda neapolitan pitssalari tayyorlanadigan pitsseriya. Kunduzlari esa yevro-osiyo uslubidagi choy marosimi tashkil etiladi.
