31 iyul kuni Yunusobod tumanida bolalar maydonchalari va sport o‘yingohlari hududlaridagi qurilish holatlari, xususan 271-maktab hududidagi ob’yekt ko‘zdan kechirildi.
O‘rganishlar davomida maktab hududidagi yer uchastkasi hamda bino-inshootlar amaldagi hujjatlar asosida davlat ro‘yxatidan o‘tkazilgani, hududda o‘zboshimchalik bilan egallangan yer maydoni yoki noqonuniy qurilmalar mavjud emasligi aniqlandi.
Shuningdek, davlat-xususiy sheriklik bitimi va ijara shartnomasi asosida " ASIAN SCHOOL" MChJga 4 ming kvadrat metr yer maydoni ijaraga berilgani ma’lum bo‘ldi.
O‘rganish yakunlariga ko‘ra, tunuka bilan o‘ralgan hudud demontaj qilinib, yer uchastkasi avvalgi holatiga qaytarildi.
Avvalroq Mirobod tumanidagi bolalar maydonchasi o‘rnidagi noqonuniy qurilish yuzasidan jinoyat ishi qo‘zg‘atilgani haqida xabar qilingandi.
