2026-yilning birinchi yarmida O‘zbekistonda bajarilgan qurilish ishlarining umumiy hajmi 192 trillion so‘mni tashkil etdi. Bu haqda Milliy statistika qo‘mitasi ma’lum qildi.
Hududlar kesimida eng yuqori ko‘rsatkich Toshkent shahri hissasiga to‘g‘ri kelib, poytaxtda 61,2 trillion so‘mlik qurilish ishlari amalga oshirilgan.
Keyingi o‘rinlarni Toshkent viloyati 18,8 trillion so‘m, Farg‘ona viloyati 12,1 trillion so‘m va Buxoro viloyati 10,7 trillion so‘mlik ko‘rsatkichlar bilan egallagan.
Shuningdek, Samarqand viloyatida 9,9 trillion so‘m, Qashqadaryo viloyatida 9,4 trillion so‘m, Andijon viloyatida esa 9 trillion so‘mlik qurilish ishlari bajarilgan.
Milliy statistika qo‘mitasi ma’lumotlari mamlakat hududlarida qurilish sohasidagi faollik yuqori sur’atlarda davom etayotganini ko‘rsatmoqda.
