Amaldagi tartibga ko‘ra, bolaning familiyasi ota-onaning familiyasiga qarab belgilanadi. Ota yoki ona tomonidan milliy an’analarga ko‘ra boboning ismi ham familiya qilib berilishi mumkin.
Yangi qonun bilan Oila kodeksining 69-moddasiga o‘zgartirish kiritiladi va otaning ismini bolaga familiya qilib qo‘yilishi mumkin bo‘ladi.
Senatorlarga ko‘ra, bunday imkoniyatning ochilishi vatandoshlarga qo‘shimcha qulayliklar yaratib, milliy va diniy an’analarga muvofiq ularning xohish-istaklarini ro‘yobga chiqarishga xizmat qiladi.
Qonun ma’qullanib, imzolash uchun prezidentga yuboriladigan bo‘ldi.
