Milliy statistika qo‘mitasi ma’lumotlariga ko‘ra, joriy yilning dastlabki olti oyida O‘zbekistonga o‘qish maqsadida jami 21 042 nafar xorij fuqarosi tashrif buyurgan.
Bu ko‘rsatkich 2025-yilning mos davriga nisbatan 11,5 ming nafarga yoki 2,2 baravarga ko‘p.
O‘zbekistonga ta’lim olish uchun kelganlar orasida Turkmaniston fuqarolari yetakchilik qilgan - 9 207 nafar.
Keyingi o‘rinlarda Hindiston - 3 723 nafar, Tojikiston - 1 915 nafar, Xitoy - 951 nafar, Qirg‘iziston - 834 nafar va Pokiston - 689 nafar bilan qayd etilgan.
Shuningdek, Misrdan 603 nafar, Janubiy Koreyadan 526 nafar, Filippindan 367 nafar va AQShdan 302 nafar fuqaro O‘zbekistonga o‘qish maqsadida kelgan. Boshqa mamlakatlar hissasiga esa 1 925 nafar xorijlik to‘g‘ri kelgan.
Ma’lumotlarga ko‘ra, O‘zbekistonga ta’lim olish maqsadida kelayotgan xorijliklar soni bir yil ichida ikki baravardan ziyod oshgan.
