Birinchi smenada test sinovlari soat 08:00 dan 11:00 gacha, ikkinchi smenada esa 15:00 dan 18:00 gacha bo‘lib o‘tadi.
Talabgorlar test o‘tkaziladigan hududga sinov boshlanishidan kamida bir yarim soat oldin pasport yoki ID-karta hamda abituriyent ruxsatnomasi bilan kelishi kerak.
Bunda birinchi smenada ishtirok etuvchilar soat 07:30 ga, ikkinchi smenadagilar esa 14:30 ga qadar tekshiruvlardan o‘tib, o‘z joylariga joylashgan bo‘lishi lozim.
Test sinovlari ikkita mutaxassislik va uchta majburiy fan bo‘yicha o‘tkaziladi. Talabgorlarga mutaxassislik fanlaridan 30 tadan, majburiy fanlardan 10 tadan - jami 90 ta test topshirig‘i beriladi.
Testlarni ishlash va javoblarni javoblar varaqasiga ko‘chirish uchun 3 soat vaqt ajratiladi.
Talabgorlar test sinovida ishtirok etish uchun ruxsatnomani Bilim va malakalarni baholash agentligining my.uzbmb.uz sayti orqali olishi mumkin.
