1-bosqichga tavsiya etilgan abituriyentlar endi talabalar turar joyiga joylashish uchun ariza topshirishlari mumkin.
Ariza Davlat xizmatlari markazlari yoki Yagona interaktiv davlat xizmatlari portali - my.gov.uz orqali beriladi.
Talabalarni yotoqxonalarga joylashtirish belgilangan tartib hamda mavjud bo‘sh o‘rinlardan kelib chiqqan holda amalga oshiriladi.
Amaldagi reglamentga muvofiq, dastlab imtiyoz va ustuvorlikka ega talabgorlar talabalar turar joylariga qabul qilinadi. Shundan keyin qolgan bo‘sh o‘rinlar umumiy ro‘yxatdagi talabalarga navbat asosida taqsimlanadi.
Bunda 1-kurs talabalari uchun talabalar turar joylaridagi o‘rinlarning 55–65 foizgachasi ajratilishi belgilangan.
Shu tariqa, 2026-2027 o‘quv yilida birinchi bosqichga o‘qishga tavsiya etilgan talabgorlar 18-avgustdan yotoqxonaga joylashish uchun elektron yoki Davlat xizmatlari markazlari orqali murojaat qilishi mumkin.
